【最新資訊】《三隻小豬》同STEM有乜關係？STEM玩具新手入門篇！

今日小編想同大家講一個關於三隻小豬嘅故事！係好耐好耐以前…吓？你倒轉都識背？咁三隻小豬同STEM之間嘅關係你又知唔知呢？想知STEM知識點樣幫助小小豬逃離大灰狼嘅口？想挑選STEM玩具同教材、比小朋友開始接觸STEM，又無從入手？睇埋落去開估！

STEM stands for what?

聽故事之前，都要知道咩係STEM㗎，各國成日都話要推行STEM教育，坊間又有咁多興趣班話主張STEM課程，但係STEM (stands) for what？

其實STEM本身係指四個科目 – Science， Technology， Engineering同埋 Mathematics。STEM主張圍繞着知識嘅分析、評估同創造，所以都較着重將學到嘅知識實際應用出來，甚至會打破各學科嘅獨立知識體系，從而激發小朋友邏輯同創意思維嘅潛能，引起主動學習嘅心。

STEM將會係未來行業嘅大趨勢

世界經濟論壇喺2020年發佈咗「工作大未來」報告，指出到咗2025年，機械人將會取代人類8500萬個工作崗位；但係同時會創造科技、工程相關的領域工作近9700萬份，意味著會淨增加1200萬個STEM相關嘅就業職位。

近年，各國都紛紛推行STEM教育，用來裝備新一代一啲無法用機械取代到嘅技能，例如批判思考能力、靈活變通和韌性等，以迎接未來工種嘅急速變化。

開估啦！顛覆你對三隻小豬嘅印象，聽著故仔學STEM

講咗咁多STEM嘅小資訊，大家心入面有答案未呢，三隻小豬嘅故事點同科學、科技、工程同數學拉上關係？等小編都開個估啦~

三隻小豬所造嘅房子分別用咗稻草、木頭同磚頭，唔同物質嘅屬性就涉及科學嘅元素；唔同形狀、大小、高度、角度等就涉及數學嘅概念；而用唔同材料、工具來解決建構嘅問題，就涉及咗工程嘅元素。

從三隻小豬中睇到STEM絕對唔係啲咩「離地」嘅知識，相反，日常生活當中，好多地方都會涉及STEM知識，作為參考，家長都可以用積木、LEGO或者天然材料來模仿建造房屋，如果小朋友諗到用3D打印房屋，甚至涉獵到科技嘅知識添！

探索過程絕對唔係為咗儲存學科知識，都唔係枯燥嘅課餘活動，而係比小朋友主動了解生活中同 STEM 相關嘅現象，透過多元化嘅學習方法來認識世界。

（啊～仲有一個好處，識得STEM就唔洗比大灰狼食啦！）

Learning by playing；由「被動」轉為「主動」

小朋友嘅天性就係「玩」，叫佢坐定定咁做練習，分分鐘眨下眼都唔知瓹咗去邊。玩就唔同啦，去一轉公園，瞬間學識同父母討價還價：「留多5分鐘！」、「瀡多一次滑梯先」。

Learning or Playing？Why not both？講白啲，就係寓遊戲於學習，等小朋友由「被學習」轉為「主動學習」，自發性咁樣對呢個世界產生好奇心、發揮小創意，而有教學性質嘅玩具本身就係一個特別好嘅方法。

育兒＝打機？

俗話說：「三歲定八十」，心理學都有類似嘅概念，性格、特質要從小培養，情況有啲似打機，如果父母錯過咗早期嘅性格塑造階段，就好似打隻新Game，一開波就選擇咗Hard Mode咁，之後將要付出更多倍嘅耐性同努力。

做個小測試，再睇下有咩特質需要把握小朋友嘅黃金時間培育啦！

專注力小測試

成日話依家啲小朋友上堂就「遊魂」，學咩都三分鐘熱度。小朋友喺唔同年齡階段嘅專注力係有高低差別，做個小測試，睇下你屋企隻「甩繩馬騮」嘅專注程度~

註：資料參考自香港基督教服務處職業治療師團隊

耐挫能力

除左專注力，耐挫能力都好重要～

高耐挫力的孩子，傾向將挫折當做家常便飯，遇到困難時情緒唔會受到太大的影響，懂得冷靜、仔細地分析問題，並且會用各種不同的策略，來試著解決問題；

相反，低耐挫力嘅小朋友，對挫折、困境總會比其他人敏感，遇到困難嘅第一個直覺想法，就是「我冇辦法、我一定做唔到」。

要小朋友有高耐挫能力，網上都有好多方法，但絕招不外乎都係遇到困難、挫折嘅時候「旁邊嘅大人比佢地點嘅回應」，你嘅小朋友玩遊戲輸咗，比賽拎唔到獎，你同小朋友又會點樣應對？

邏輯推理能力

另外，家長都需要把握時間培養小朋友嘅邏輯推理能力～

小朋友喺0-3歲時大腦開始經歷第一次發育高峰期，呢個階段最適合學習語言同培養興趣，為專注力奠定基礎。

當小朋友到5-6歲，大腦開始經歷第二次發育高峰期，呢個階段佢哋嘅基本生活能力大部分都具備，需要開始培訓小朋友邏輯推理能力。

小朋友大腦大概在8歲到達第三個發育高峰期，呢個階段小朋友對世界有一定程度嘅認知，需要穩固佢哋嘅邏輯思維能力。

當小朋友到10歲時，大腦就會開始定型同減慢發育，所以唔好錯過小朋友大腦發展同性格塑造嘅關鍵期！

一套滿足你n個願望嘅Board Game

趁著暑假，比小朋友開始接觸STEM，同時把握大腦開發期，提升小朋友耐挫能力、專注力，仲有邏輯推理思維，咁多能力要發展，會唔會好麻煩㗎？其實一套Board Game就幫到你！「反轉教育系列」一共有三款，為配合唔同年齡層小朋友嘅需要而設，分別有比3＋嘅「創意七巧板」，5＋嘅「邏輯方塊」同埋8＋嘅「火柴謎宮」。睇埋落去，了解吓呢個桌遊點樣幫你培育小朋友多元特質！